Mujhse jo CHIRKEEN wo khafa ho gaya,
raub se peshaab khata ho gaya
Tune na is haal mein poochi khabar,
daston se ye haal mera ho gaya
Hag diya dehshat se shab e hijr ki,
dam mera jine se khafa ho gaya
Kaanch jo us gul ne dikhaii mujhko,
sheesha e dil choor mera ho gaya
Todte ho gooz se apna wazoo,
sheikh ji sahab tumhein kya ho gaya
Sheikh ji ab isko badal daaliye,
aapka ammama sadaa ho gaya
Malta hunn kapdo mein main ai rashk e gul,
itr mujhe moot tera ho gaya
Haiz ke latton se tere ai sanam,
gul ka gareebaan qaba ho gaya
Taiir e rang e rukh e aghyaar bhi,
gooz ke humraah hava ho gaya
Shokhi mein ai shokh tera khoon e haiz,
rashk wo rang e hina ho gaya
Sabza e khat aya jo CHIRKEEN ko yaad,
zakhm e dil aur hara ho gaya
"kahaa ahl e zameen ne dekh tifl e ashq ko mere, phategi peer e garduun ki jo ye ladka jawaan hoga"
Harf e Aghaaz
Is mein koi shak nahi hai ke urdu adab mein kalaam e Chirkeen apni nawaiyyat wahid, nayaab aur dilchasp shaahkaar hai. Magar afsos ke mashahir e ilm o adab ne usey yaksar nazar andaaz kar diya. Chirkeen ka zikr agar kahin milta hai to bara e naam. Is sanf e sukhan ki ahmiyat ke pesh e nazar ek taweel arsey se meri dili khwahish thi ke Chirkeen muntashar ajza e kalaam , jahaan aur jaise bhi dastyaab hon, unhein yakja karun aur ek mukammal majmue ki shakal mein awaam ke saamne pesh kar sakoon.
Is blog ke zariye main ap tak wohi kalaam pohcha raha hun.
i was searching for deewan chirkeen since ages. thank you very much.
ReplyDeleteBest poet in his trade ..... I wish I can get hard copy of his kalam
ReplyDelete